東宮西宮

做老師, 有時都有點優惠甜頭, 例如昨天, 教授exhibition design的同事拿到"東宮西宮八之西九龍珠"招待學生優先場的門票。我從未看過"東宮西宮" 的劇目, 今次有機會以$20看, 當然第一時間報名。

我看的那一場主要是招待中學生, 所以滿眼都是著校服的, 看上去大概是中三四吧, 他們由老師帶領, 很嘈吵, 依然是小朋友!

聽聞"東宮西宮"有內涵, 口碑好, 但觀後, 與我期望的有很大落差。乜點解好似80年代歡樂今宵+港台頭條新聞那些諷刺時弊feel, 仲有唱英文粵曲, 填咗啲以為好好笑的英文詞入粵曲的調子裡面, 即係啲政府高宮, 和歡樂滿東華啲總理最喜歡唱的英文粵曲。

呢齣"東宮西宮之八" 全劇有十五場, 我諗在場的中學生悶了十場以上, 最後, 播了一首血染的風采音樂, 但在場好些中學生都唔知係咩歌, 悶到想嘔, 居然拍起手, 因為等完場等咗好耐....軸壓那個胡恩威導演出場, 幾惡, 幾嬲和幾有火咁問啲學生, 你哋點解拍手呀! 以乎說他們不尊重這首歌!

大佬呀! 成齣劇對牛彈琴, 我係大人, 個心都想話, 唔係吓話...最好睇都係陳淑莊扮香港皇后那一場, 至於其他十四場, i am so sorry, disappointed!!! 我忍不住問剛巧坐在我身邊的中學生, 他們1994年出世, 那會對64民運, 政府政策, 英文大戲, 還有這等流行曲, 一如: 絕對空虛, 蚌的啟示, 血染的風采,有共鳴, 硬加一首"波兒", 便以為好in!!! my conclusion is, 以為好in, 其實扮in! 無新意!

正場的東宮西宮, 門票都唔平....唔知以前的"東宮西宮" 會唔會好睇啲呢?

最後, 散場, 見胡恩威伴同民政事務局場曾德成, 介紹自己今次於文化中心搞的show! 哈, 呢頭又批評政府乜乜乜官商勾結, 話口未完, 又笑笑口陪高官....i am so confused!