昨天的都市日報有這樣一段, 關於電影「關人7事」的電影海報, 電影導演彭發說直到最後海報要出街作宣傳, 才發現所托非人, 始知抄襲一事。我欣賞彭發不會包庇掩飾, 作一大段說話混過去, 同時讓我想起幾年前香港廣告商會的一系列擬似抄襲海報。明眼人一看便知有沒有抄襲, 為什麼還要死撐。都市日報那篇報導的原文如下:
電影海報玩大咗
彭發：我似雷曼苦主
趁彭氏兄弟重頭戲《風雲II》年底上映之前，細佬彭發率先發功，推出黑色犯罪電影《關人7事》。影片前名《玩大咗》，最後改做《關人7事》，彭發直認帶點粗 口諧音，他笑說：「意思咪就係關於7男6女所發生的7件事！從宣傳角度，覺得《玩大咗》唔多啱聽，雖然都係眾多青春演員，但今次故事絕不兒嬉，以免令人覺得跟《愛鬥大》差唔多。」
電影早前入圍韓國首爾忠武路國際電影節，亦成為香港亞洲電影節的閉幕作品，導演對於獲得影展垂青，覺得十分幸運。相反，一輯電影海報卻「玩大咗」，竟然跟08年一部荷李活片《絕點緝兇》(Vantage Point)幾乎一模一樣。原來在海報出街前，彭發一直蒙在鼓裏，難怪他顯得很勞氣。「唔係似，係直情一樣！我在掛海報的前一晚才獲悉，根本截都截唔住，成本廿、三十萬元，亦都截唔起，唯有焗住出街。我的感覺就似雷曼苦主，設計者好似刻意隱瞞一些事情，聽咗佢講，就信咗佢。但自問都有錯，只怪自己唔小心，作為導演，我唔會逃避責任。再者，根本唔係抄，直情係倒模，我唔係要追究，但都好想訪問下對方，淨係由把槍變做把刀，你以為會無人知咩？！」
No comments:
Post a Comment