香港迪士尼Vs海洋公園
早年大多數人都認為, 香港拍板興建迪士尼, 想必對海洋公園構成威脅。迪士尼財雄勢大, 知名度高, 又有香港政府撐腰。反觀海洋公園, 已有三十年了, 沒新鮮感, 沒新刺激, 更有人指它已完成“歷史任務”, 要收檔。
賽果
結算今日表現, 香港迪士尼一周年, 入場人數未達標。海洋公園由主席盛智文帶領下, 愈辦愈好，上年的入場人次和盈利均創下新高。 海洋公園早前向立法會提交自迪士尼開幕以來首份業績報告, 顯示○五至○六年度的入場人次創了歷年紀錄, 人次超過438萬，門票收益5億3千多萬，而園內營銷收益亦達1億8千多萬元。計落，海洋公園的總收入超過7億元，扣除開支，公園盈利達1億5千650萬元，較前年增長三成一。
啟示
世事無絕對, 不要潑冷水! 大海航行靠舵手! 主席盛智文真犀利! 要是他搞管理課程, 一定爆滿! 好想知他的管理心得及個人心法。
(盛智文是誰?人稱他為「蘭桂芳」敎父, 因他將蘭桂芳搞得有聲有色而成為蜚聲國際景點。他是加拿大籍猶太人, 80年代來港做成衣生意起家。)
4 comments:
如果俾我撐,我都會撐海洋公園多d
對香港的迷你、低智迪迪尼興趣是零....
噢唇拍好玩d, 起碼都有d真但唔郁國寶同未被拆肉炒球大蘇眉睇呀...
哈哈哈,拆肉炒球大蘇眉!!咁都比你諗到,因住深海魚有雪茄毒呀! 講真, 香港有廸士尼樂園, 都不愧為一個奇蹟! 其實, 香港廸士尼各方面可以做好啲啫, 地方擴大啲, 管理完善啲, 入場費平啲! 廸士尼贏,海洋公園都贏,咁又得唔得呢?
係呀,尤記得幾年前還在舊舖做海洋公園的pitch,個brief係"嘩嘩嘩,迪士尼就快打到嚟,海洋公園就快死",簡直係終極救亡大行動!結果,當然贏唔到.
回想起來,根本就brief錯,可能係人家的marketing錯,也可能是agency錯,一個精明領導,已經可以扭轉局勢.
Post a Comment