「翔龍灣」廣告摧毀企業形象?

續說「翔龍灣」廣告, 這個題目我有興趣!

同是恆基地產發展的「嘉亨灣」, 促銷廣告很型仔, 模仿美國HBO電影劇集的片頭, 猛男美女如雲, 緊貼時代步伐 。反觀, 「翔龍灣」廣告一出, 品評之聲四起。心裡曾閃現了這個問題, 究竟地產公司有冇罔顧企業形象呢?

形象這樣東西很有趣, 浩大如一個國家、企業、 品牌, 渺小如一個街市菜檔或一個人, 都有其形象, 鮮明還是模糊、討好抑或厭惡, 別人總有一個看法 。形象一旦建立了, 很難能洗底! William Hung 在American Idol的形象, 相信在大家的心目中50年不變。

說回來, 一個「翔龍灣」廣告會否影響恆基地產的企業形象? 一切由恆基主席李兆基先生說起。李主席今期成為各大報章頭條, 小市民有興趣是他娶新抱的花邊新聞、打工仔最恨有他一樣爽疏的老闆, 家有喜事都派員工萬元大利是、股民最想知道是他的投資汲水大法, 於短短兩年間, 在福布斯世界富豪排行榜的第61位急升至37位, 兼贏得「香港畢菲特」這個好猛的稱號。

明白到, 李兆基的形象=恆基地產的形象, 他在大家心目中是成功生意人, 有眼光有魄力, 兼大方疏財愛錫下屬, 照計「佢領導嘅地產公司唔會差得去邊, 佢起嘅樓, 都唔會差得去邊啫!」 這個邏輯推理大抵正確吧, 所以大家對恆基地產依然印象良好。

事實上, 一個地產廣告嘅力量邊度有咁神奇, 怎有本事摧毀企業形象, 佢只不過係賣嘢去貨嘅手段, 最緊要有綽, 又擊中目標買家便算成功, 當然production value & quality 都要堅守。樓買完, 樓盤廣告也完成使命。 在香港, 地產公司的企業形象, 只落在一個人身上, 便是那個老闆話事人兼主席。 主席萬歲的思想, 原來, 一直都植在中國人腦裡, 根深柢固!

註: 恆基主席李兆基於04年以私人基金成立財經企業, 於海內外搜羅股票, 券及地產目, 短短兩年資產暴漲, 從福布斯世界富豪顯示, 由04年以500億港元身家排第61位, 急升至今人年9月公布的37位。