這幾個月來有點忙, 要教夜校, 還有幾堂便大功告成, 下半學期由另一位同事接力。夜校由晚上七時至十時, 原以為三個小時很難打發, 結果無驚無險。作為老師的, 能否輕輕鬆鬆渡過三個鐘, 且看你的造化, 年多以來領教過各家各門的教學方法, 總結的答案是「豐險由人」 。即是說你可以狂做教材給學生豐富資料, 也可省力了事, 例如播一場電影, 或其他短片, 叫同學討論。或者給同學一個題目, 分組解散商議, 到時到時候回來匯報也可。最絕一招, 聽聞有人只教了兩堂, 便對學生說整個學期的課程已教完, 叫同學回校自修。
我們欺不欺場, 全靠自律。當然有課程指引及大網, 但你依不依是另一回事。說到自律, 很多成年人也做不了, 何況是十來二十歲的年青人。
話說我們有時候要在電腦室上課, 學生一人一部電腦, 問題也隨之而來, 他們會不由自主的上facebook, 不由自主的玩facebook的遊戲, 其中有一個叫happy farm的, 很受歡迎。我也有玩過, 是同事邀請的, 而她玩happy farm的原因是為了姨甥仔, 因為邀請越多人參與, 便可得越多獎分。她要為姨甥生仔拿獎分, 因此也玩埋一份。
上課時見同學玩happy farm, 火都嚟埋, 但我又不會直駡, 我學懂了笑住嚟說教, 內容如下:
「 Happy farm 好玩咩? 喺網上種多幾個蕃茄蘿蔔又如何, 話之你收成好好, 攞到好多獎分, 俾你贏晒又點, 你都唔會寫呢啲落你張履歷表吓話! 與其喺網上種呢樣種嗰樣, 不如去申請working holiday, 只係俾三十歲以下啲年青人申請, 去吓澳洲紐西蘭啲田園, 真係落手落腳種嘢收割咪重有意義, 你張cv寫你參加過working holiday, 去過外國見識過, 生活過咪仲好......嗱,我唔係唔俾你玩facebook, 做晒呢堂啲嘢, 你上網玩咩我都唔干涉。」
唉, 我越來越懂說教!
No comments:
Post a Comment